තට්ටු ගණන් සිතුවිලි එක්ක .....
''වෙට්ටු'' දමා සිතුවිලි අහුලාගෙන ...
ඔබ ගැන කවි කරන්න ....
මදි මේ ''ඉඩ කඩ''...
''වැල්වටාරම් '' නැති ජිවිතේ
ගොඩ නගන්න ඔබ වෙන මහන්සියට
මල් මිටක් වෙන්න ....
කවි කොළ නෙමයි
පොත් ගණනාවක් උවත්
ලියන්න හැකි .....
ජිවිතයට අරුත කියා දුන්න
ඔයාට ....
මං ගිරවියක් වගේ ඔහේ
කියවද්දී ....
අහන් ඉදලා ....
කට කොනකින් හිනා වෙලා ....
වචන තුන හතරක් කිව්වෙත්
හරි අමාරුවෙන් ....
ඔබ නිහඩයි ...
නිහඩ ආදරය ...
නිහඩ කවිය ...
නිහඩ සිතුවිල්ල ....
ජිවිතයේ කෙදිනකවත්
මගේ හිත නොරිද්දපු
වචනයකින්වත්
අඩුම තරමේ ......
''පිනට '' පහළ උන නෙමයි
ආත්ම ගණනක සිතුවිලි එක්ක
පෙරුම් පුරාගෙන
ආපු .....
මහත්තයෝ ඔයාටයි මේ ......
කවි දහසක් නොලිව්වාට
පද එක දෙක නොගලපුනට
හැමදාමත් ලගින් උන්නේ
ඔබ විතරයි පහන් එළිය.....
හරි දෙවල් ගැනම කිව්ව
වැරදුණු දේ හදාගන්න
ඔබ විතරයි හැමදාමත්
''තාත්තා '' වගේ ලගින් ඉන්න
රස කර කර කථා කියා
ලෙඩ උනාම හිස අතගා
පන් පැදුරේ ඔයයි මමයි
හැමදාමත් තනි රකින්න
රණ්ඩු කරත් විනාඩියයි
තරහා උනත් විනාඩියයි
ඔබත් එක්ක ගෙවන දිවිය
මී පැණි වගේ රස ගගුලයි
ගෙතුවෙම නැ කවි දහසක්
ඔබේ නමට මා මෙතුවක්
ඔබේ ගුණ කඳ කවි කරන්න
අකුරුත් මදි හෝඩියේම....
රස මස 'ලු නැතුවත් මට
ඔබ ඉන්නවනම් ලගින්ම
සත්තයි මේ ලෝ තලයේ
නැනේ දුකක් සතුටක් මිස ...
සිහිල් පවන් රැළි වාගෙයි
ඔබ එක්කලා ගෙවන දිවිය
මතු මතු හැම භාවයකදිම
පතමි ඔබව මගේ වෙන්නට ...
වාසනාව මගේ දිවියට
ගෙනත් දුන්න රන් ප්‍රදීපය
තිස් තුන් කෝටියක් දෙවියෝ
රැකදේවා බුදු සරණින් ........
නිල් අහස යට ......................................................
No comments:
Post a Comment